Nafasi 2 za kazi , Halmashauri ya Wilaya ya Ludewa – Mtendaji wa Kijiji Daraka III

Nafasi 2 za kazi , Halmashauri ya Wilaya ya Ludewa – Mtendaji wa Kijiji Daraka III

Kumb. Na. FA.228/613/01/025 20/02/2024

TANGAZO LA NAFASI YA KAZI

Mkurugenzi Mtendaji wa Halmashauri ya Wilaya ya Ludewa anawatangazia Watanzania wenye sifa na nia ya kufanya kazi katika Halmashauri ya Wilaya ya Ludewa kuomba nafasi za kazi zilizotajwa hapo chini, baada ya kupokea kibali chenye Kumb Na. FA.228/613/01/025 cha tarehe 08 Disemba 2023 kutoka kwa Katibu Mkuu Ofisi ya Rais Menejimenti ya Utumishi wa Umma na Utawala Bora.

1.0 MTENDAJI WA KIJIJI DARAJA III- (NAFASI 2)

1.1 SIFA ZA MWOMBAJI

• Awe amehitimu Elimu ya Kidato cha Nne (IV) au Kidato cha Sita (VI)
• Awe amehitimu mafunzo ya Astashahada katika moja ya fani zifuatazo; Sheria, Elimu ya Jamii, Usimamizi wa Fedha, Maendeleo ya Jamii na Sayansi ya sanaa kutoka chuo cha Serikali za Mitaa Hombolo au Chuo chochote kinachotambuliwa na Serikali.

1.2 MAJUKUMU YA KAZI

(i) Mtendaji Mkuu wa Serikali ya kijiji; (ii) Katibu wa Kamati ya kijiji;
(iii) Mratibu wa utekelezaji wa Sera na Sheria zinazotekelezwa na Halmashauri katika Kijiji;
(iv) Mshauri wa Kamati ya Kijiji kuhusu Mipango ya Maendeleo katika Kijiji;

(v) Msimamizi wa Utekelezaji wa Sheria ndogo pamoja na Sheria nyingine zinazotumika katika Kijiji;
(vi) Mshauri wa Kamati ya Kijiji kuhusu masuala ya Ulinzi na Usalama;
(vii) Msimamizi wa Mtekelezaji wa mikakati mbalimbali inayohusu uondoaji wa njaa na Umasikini katika Kijiji;
(viii) Kusimamia Ukusanyaji wa mapato ya Halmashauri na kutunza kumbukumbu za walipa kodi; na
(ix) Atawajibika kwa Mtendaji wa Kata.